As actividades previstas para hoxe consisten en dúas charlas sobre “Sistemas Agroforestais con plantas medicinais en Galicia” e “Fungos medicinais” a cargo, respectivamente de DªRosa Romero Franco e Dª María Rosa Mosquera Losada (USC) e D. Arturo Rodríguez Blanco (Empresa Hifas da Terra), durante a sesión de mañá. Pola tarde, o curso finaliza coa conferencia de D. Pablo Ramil Rego, Director do IBADER, que versará sobre “Historia da utilización das plantas medicinais” e a entrega dos certificados de asistencia aos participantes nesta edición do curso.


 

Na xornada anterior, realizouse una viaxe de prácticas para o recoñecemento de plantas medicinais na Insua de Seivane (Outeiro de Rei), incluída no espazo da Rede Natura 2000 “Ladra-Parga-Támoga” a na Reserva da Biosfera Terras do Miño. Pola tarde o programa contou coa participación de Dª Pilar González Hernández (USC), que falou sobre a Influencia dos factores ambientais na síntese e concentración de principios activos e de Dª Belén Díaz Hernández (USC),que disertou acerca do “Cultivo ecolóxico das plantas medicinais”.