Novas

2017/07/17: As plantas medicinais no desenvolvemento sostible das Reservas de Biosfera Terras do Miño e Os Ancares lucenses e Montes de Navia, Cervantes e Becerreá
Inaugúranse as sesións do Curso de Verán "As plantas medicinais no desenvolvemento sostible das Reservas de Biosfera Terras do Miño e Os Ancares lucenses e Montes de Navia, Cervantes e Becerreá", baixo a dirección dos profesores do Departamento de Produción Vexetal e Proxectos de Enxeñaría, Dª Rosa Romero Franco e D. Antonio Rigueiro Rodríguez.

2017/07/04: Charla e inauguración exposición itinerante porxecto Wolf
O IBADER colabora na organización da exposición itinerante Proxecto Wolf: Wild life and farmers (Lobo, vida salvaxe e mundo rural). A exposición permanecerá durante os meses de xullo, agosto e setembro, no CIPX de Compostela (Centro de interpretación dos parques e xardíns de Compostela), situado no parque de Belvís en Santiago de Compostela.

2017/06/20: Terceiras charlas formativas Hortas Urbanas de Compostela
O IBADER organiza as Terceiras Charlas Formativas sobre agricultura ecolóxica nas hortas urbanas de Santiago de Compostela. As xornadas, organizadas polo Concello de Santiago de Compostela coa colaboración de Ferrovial e o propio IBADER, impártense no CIPX (Centro de Interpretación dos Parques e Xardíns) de Compostela, situado no parque de Belvís e están dirixidas aos usuarios das hortas urbanas de Compostela.

2017/06/12: 25 aniversario da Directiva Hábitat e do programa LIFE
O pasado venres, 9 de xuño, o Campus Terra da USC celebrou o 25 aniversario da aprobación da Directiva Hábitats (DC 92/43/CEE) e da posta en marcha do programa europeo LIFE, avaliando o seu impacto a través de 4 proxectos LIFE da USC, entre os que estiveron LIFE Tremedal e LIFE Baccata, implementados polo IBADER

2017/05/22: O Parque Nacional das Illas Atlánticas de Galicia candidato ao Patrimonio Mundial da UNESCO
A Xunta inicia os trámites da candidatura do Parque Nacional das Illas Atlánticas a Patrimonio da Humanidade na categoría de Ben Natural. Os conselleiros de Medio Ambiente e Cultura e Educación, Beatriz Mato e Román Rodríguez, confirmaron esta mañá, no Centro de Visitantes do Parque Nacional Marítimo Terrestre en Vigo, que o Executivo galego vén de enviar ao Ministerio de Cultura a documentación que ten por obxecto xustificar o valor universal excepcional deste parque.

2017/05/22: Xornada: Construíndo un Futuro Sostible
Co gaio do IV Aniversario da Reserva da Biosfera Mariñas Coruñesas e Terras do Mandeo, celébrase o vindeiro día 25 de maio de 2017 a Xornada titulada" Construíndo un Futuro Sostible"que terá lugar no Castelo de Santa Cruz, en Oleiros. Exite Limitación de prazas.

Archivos