Novas

2018/02/20: Presentacion do proxecto  LIFE FLUVIAL en  Vegadeo
Presentación do proxecto LIFE FLUVIAL en Vegadeo : O auditorio Félix Menéndez da Casa de Cultura de Vegadeo acolleu a presentación do proxecto Life Fluvial, cuxo obxectivo é mellorar o estado de conservación dos corredores fluviais da rexión atlántica ibérica da Rede Natura 2.000.

2018/02/19: A Consellería de Medio Ambiente pon en marcha unha campaña de divulgación dirixida á conservación da aguia real en Galicia
A iniciativa, cofinanciada nun 75% polo Feader do Programa de Desenvolvemento Rural 2014-2020, aspira a mellorar o coñecemento sobre a bioloxía da especie, a súa presenza na comunidade e fomentar prácticas que axuden á súa recuperación Organizaranse ao longo deste mes unha serie de charlas dirixidas ao público en xeral e ao alumnado de secundaria naqueles concellos nos que se localizan algúns dos territorios históricos e actuais con presenza destas aves

As navieiras poderán vender as súas pasaxes para o transporte ata as illas, pero para acceder ao arquipélago o visitante deberá contar coa autorización emitida pola Xunta de Galicia, que é persoal e intransferible, e está dotada de códigos de control QR, dun número de autorización e dos seus datos de identificación A próxima semana celebrarase o sorteo para adxudicar as distintas franxas horarias nas que poderá operar este ano cada unha das sete navieiras autorizadas A operadora terá a obriga de comprobar a existencia desta autorización antes de emitir o billete e non poderá transportar a Cíes pasaxeiros que carezan da mesma

O prazo para inscribirse nesta actividade formativa, que se celebra cada ano dende 2006, comezou hoxe e estará aberto ata o vindeiro 5 de marzo A xornada estrutúrase nunha sesión matinal de carácter máis teórico e unha visita ás Cíes pola tarde para contrastar sobre o terreo os contidos abordados Desde a súa primeira edición, xa participaron nesta xornada arredor de 500 persoas con distintos perfís profesionais ligados ao mundo do turismo e a organismos ou entidades en contacto cos potenciais visitantes das illas

2018/02/08: Medio Ambiente impulsa un proxecto pioneiro para a recuperación dos fondos mariños do Parque Nacional das Illas Atlánticas
Máis dunha vintena de expertos e pescadores de toda Galicia participan en dúas mesas de traballo para deseñar un plan de acción e habilitar unha rede de atención temperá para detectar aparellos de pesca e lixo mariño no arquipélago A iniciativa conta cun orzamento de máis de 55.000 euros e está sendo promovida polo Parque Nacional e o Colexio Oficial de Biólogos de Galicia Ademais de crear unha rede de traballo multidisciplinar para a recuperación dos ecosistemas mariños do parque, o proxecto inclúe tamén accións prácticas de retirada de residuos e xornadas formativas para a conservación do medio

2018/02/02: Presentado o proxecto LIFE FLUVIAL en Portugal
Coincidindo coa celebración do Día Mundial dos Humidais, o proxecto presentouse o pasado 2 de febreiro no Centro de Interpretação Ambiental da Área Protegida e Zona Húmida de Importância Internacional das Lagoas de Bertiandos e S. Pedro de Arcos (Ponte de Lima). O evento contou coa presenza de representantes locais e nacionais, así como membros dos diferentes socios de LIFE FLUVIAL chegados dende distintos puntos de España e Portugal.

2018/02/01: Medio Ambiente conmemora o Día Mundial dos Humidais con varias actividades no complexo intermareal Umia-O Grove e en Corrubedo
A directora xeral de Patrimonio Natural, Ana María Díaz, distinguiu hoxe como ‘Embaixadores dos humidais’ a un grupo de alumnos e profesores do CEIP A Florida de Sanxenxo tras unha xornada lúdica e didáctica no monte Siradella No Centro de Interpretación dos Ecosistemas do Litoral de Galicia, en Corrubedo, inaugurouse unha mostra temporal con fotos de aves da comunidade autónoma Baixo o lema ‘Humidais para un futuro urbano sustentable’, o obxectivo da efeméride deste ano é poñer en valor a importancia de preservar nun estado saudable as zonas húmidas situadas nas contornas de áreas urbanas

201/02/01: O Goberno galego dá luz verde á creación do Consello Asesor da Paisaxe co fin de avanzar na consolidación dunha nova cultura ambiental en Galicia
Rueda sinala que este organismo nace para fomentar a colaboración entre as Administracións públicas con competencias en materia de paisaxe Indica que a entidade contará con representantes das institucións e expertos e axentes sociais que se encargarán de facer propostas de estudo, servir de foro para poñer en común as novidades e exercer como órgano asesor e consultivo

A Dirección Xeral de Patrimonio Natural participou nunha reunión da Reserva da Biosfera Eo, Oscos e Terras de Burón, onde recordou que a Xunta convocou unha orde de axudas para fomentar este tipo de actuacións Salienta que é unha medida acorde ao Plan de Desenvolvemento Rural para a promoción de investimentos non produtivos vinculados á realización de obxectivos agroambientais e climáticos en Rede Natura 2000 Adianta tamén que neste días se iniciarán as medidas de xestión de especies de flora e fauna invasoras en varios puntos do Concello de Ribadeo

O prazo para participar no programa ‘Descubrindo o parque nacional’ está aberto a partir de hoxe e as reservas poden facerse a través da web reservasparquesnacionales ou de forma presencial nas oficinas de Vigo As visitas fóra da tempada estival comezarán o 18 de febreiro e estenderanse ata o 29 de abril, e por primeira vez este ano está previsto organizar unha segunda quenda de rutas ás illas a partir do mes de maio As actividades guiadas polo parque, nas que participaron desde o ano 2014 máis de 1.100 persoas, son gratuítas e os participantes só deberán asumir o custo do seu desprazamento ata o arquipélago Como novidade, na campaña deste ano cada solicitante poderá facer a reserva de praza nunha ruta cun máximo de 3 acompañantes

2018/01/26: A colaboración con Cemma permite a recuperación do último lobo mariño que varou nas costas galegas
Guardesiña’ foi atopada o pasado 14 de xaneiro no porto de A Guarda con síntomas de desnutrición, deshidratación e afección respiratoria grave A directora xeral de Patrimonio Natural, Ana María Díaz, visitou hoxe o centro veterinario da Cemma en Nigrán no que o animal recibe tratamento no marco do convenio de colaboración entre esta entidade e a Consellería de Medio Ambiente O exemplar presenta unha evolución positiva e está fóra de perigo, aínda que o tempo estimado para que poida volver ao medio mariño dependerá de que recupere por completo a súa capacidade para alimentarse por si mesmo

2018/01/15: A Xunta destina case 4 millóns de euros a actuacións de mellora e recuperación nos concellos con espazos na rede natura e nos parques naturais
A directora xeral de Patrimonio Natural presentou esta mañá as ordes polas que se convocan estas subvencións e que hoxe publica o Diario Oficial de Galicia, cuxo orzamento se incrementa nun 54%, respecto da convocatoria anterior Trátase dunha medida que é acorde ao Plan de Desenvolvemento Rural para a promoción de investimentos non produtivos vinculados á realización de obxectivos agroambientais e climáticos en Rede Natura 2000 e no ámbito dos parques naturais de Galicia Os beneficiarios destas axudas serán as persoas titulares de terreos agrícolas e forestais, os concellos, as asociacións ambientais e de custodia do territorio e, no caso dos parques naturais, as empresas con domicilio fiscal nalgún concello dentro do mesmo

2018/01/12: Medio Ambiente propón a 30 concellos impulsar de xeito compartido o proxecto de Infraestrutura Verde da área de Coruña
A conselleira de Medio Ambiente, Beatriz Mato, mantivo un encontro con rexedores dos concellos desta área xeográfica O obxectivo do departamento autonómico é promover a estratexia de infraestrutura verde para garantir a provisión de servizos ambientais e a protección da biodiversidade, seguindo as indicacións da Comisión Europea Para acadar un proxecto que dea resultados a longo prazo é imprescindible contar cos municipios O desenvolvemento do proxecto terá catro etapas, cuxa principal característica é que será un proceso participativo coas administracións locais