O IBADER participou nunha sesión titulada "Restauración en áreas urbanas" no curso “Restauración da natureza: retos, estratexias e propostas de actuación”, celebrado no marco da Universidade de Verán da Universidade de Santiago de Compostela (USC).
 
Esta actividade forma parte da liña de accións desenvolvidas polo IBADER para difundir os avances e resultados do proxecto “Entre Sar e Sarela”, que inclúe a organización de obradoiros, xornadas prácticas e cursos dirixidos a alumnado universitario, así como accións de divulgación e participación en foros especializados.
 
Durante a sesión, expuxéronse experiencias e liñas de traballo relacionadas coa restauración ecolóxica en contornas urbanas, poñendo en valor a importancia destas intervencións para promover un modelo de cidade máis sostible, resiliente e integrado co seu patrimonio natural.
 
Esta acción enmárcase no compromiso do IBADER coa transferencia de coñecemento e a formación especializada, contribuíndo á sensibilización social e ao avance cara a estratexias urbanas que integren a natureza como elemento fundamental para o benestar e a calidade de vida cidadá.