Esta semana iniciáronse as labores de retirada de especies exóticas invasoras na área verde de Cornes, no marco do proxecto “Entre Sar e Sarela”, cofinanciado pola Fundación Biodiversidade a través do Programa de Restauración de Ecosistemas e o Plan de Recuperación, Transformación e Resiliencia (PRTR).
 
Os traballos, enmarcados na Acción B4 do proxecto (Recualificación e recuperación ambiental da área verde do Barrio de Cornes), , céntranse na eliminación controlada de especies vexetais invasoras como, Cortaderia selloana (herba da Pampa). Estas especies supoñen unha ameaza para a biodiversidade local, xa que desprazan a flora autóctona.
 
Todo o material retirado será transportado a un xestor, garantindo así unha xestión segura e responsable dos restos vexetais, en cumprimento da normativa vixente.
 
Con estas actuacións, o dáse un paso máis na restauración ecolóxica de Cornes, buscando consolidar esta área como un espazo de alto valor ambiental e social, integrado dentro do Anel Verde Exterior de Santiago.