VII Edición dos Premios “Rafael Crecente”a Iniciativas Innovadoras de Xestión Territorial  

 

O próximo 25 de novembro de 2024 as 18:30 h, está previsto celebrar no Salón de Actos da Escola Politécnica Superior de Enxeñería, o acto de entrega da VII edición dos premios “Rafael Crecente” a Iniciativas Innovadoras de Xestión Territorial.
 
Os premios, convocados pola Universidade de Santiago a través do Instituto de Biodiversidade e Desenvolvemento Rural (IBADER), coa colaboración do LaboraTE (GI-1934 TB), son unha homenaxe ao labor desenvolvido polo profesor Rafael Crecente Maseda.
 
A iniciativa, orientada a mozos titulados, busca impulsar a formulación e aplicación práctica de ideas innovadoras relacionadas co desenvolvemento rural, a conservación do medio ambiente ou a mellora da xestión territorial en sentido amplo en Galicia.
 
O evento comezará cunha conferencia sobre a Ordenación do Litoral en Galicia, a cargo de Francisco Javier Sanz Larruga, Catedrático do Departamento de Dereito Público da Universidade da Coruña.
 
A continuación, procederase á lectura da acta do xurado e o anuncio das propostas premiadas este ano.

Cartaz: Descarga