1. Inicio
  2. Novas
Domingo, 15 de Xuño de 2025

2025/06/15: Curso sobre o Pan e o Cereal Galego

Curso: O Pan e o Cereal Galego
Plan Formativo do Campus Terra
18/06/2025

 
  • Obxectivo: Impulsar e promocionar a produción do pan e do cereal galego de calidade é un dos obxectivos que persegue este curso, que trata de visibilizar a investigación e a innovación desenvolvida por investigadores colaboradores da cátedra do Pan e do Cereal.
  • Organizan: Plan Formativo Campus Terra 2025
  • Dirixen: Angeles Romero Rodríguez e Santiago Pereiza Lorenzo. 
  • Colaboran: IBADER. Facultade de Ciencias. Cátedra do Pan e do Cereal da USC. 
  • Data: Mercores, 18/06/2025.
  • Horario: 09:00 a 14:00 e de 15:00 a 20:00 horas. 
  • Lugar: Aula Luciano Sánchez. IBADER (Campus Universitario). LUGO.
  • Nota.- En caso que o número de rexistrados supere a capacidade da aula do IBADER o curso realizaríase na Facultade de Ciencias
 
Imaxe do curso

O plantexamento do curso é integral, dende o campo á mesa. Neste curso, preténdese dar a coñecer ás investigacións básicas e aplicadas que se están a abordar dende o cultivo do cereal ata que se obtén o pan. O contido do curso, implica describir as últimas novidades sobre a agronomía, a biodiversidade, a xenética, a microscopía, o emprego de redes neuronais, a caracterización físico-química, nutricional e sensorial de pans, así como os estudos de mercado e a importancia económica do sector.

Entre os modulos que se impartirán figuran a Produción do Cereal Local e Sostible, Biodiversidade no Cultivo de Cereais, Trazabilidade e técnicas de caracterización de fariñas e pan, Produción do Pan Galego e a súa importancia dentro dunha alimentación saudable e a Comercilización e economía circular.

Parte destas investigación están incluídas dentro dun proxecto competitivo financiado polo Ministerio de Ciencia e Innovación que lidera a Cátedra do Pan e do Cereal. Este curso tamén permitirá afianzar as relación internacionais da Cátedra xa que participarán docentes da UTAD cos que se están a levar estratexias de colaboración.

INSCRICION

As persoas interesadas en asistir a este curso-obradoiro, poden formalizar a súa matrícula no seguinte Formulario de Inscrición.

A matrícula e gratuita.

Ás 15:30 está prevista unha visita a Carral (A Coruña) para visitar campos de ensaio de trigo ‘Caaveiro’ e outras variedades, o muiño de pedra e unha panadería artesanal do Grupo DaCunha. As persoas que se inscriban e estén interesadas nesta visita, por favor, que o fagan saber enviando un e-mail a campus.terra@usc.gal

2025/06/15: Curso sobre o Pan e o Cereal Galego
Descargas
Voltar