Radio CERNA dedica un programa ao proxecto LIFE TREMEDAL, centrado na conservación e xestión dos humidais continentais do Norte da Península Ibérica e que esta sendo coordinado en Galicia polo Dr. Pablo Ramil-Rego do IBADER.

Esta producción radiofónica é a única de Galicia especializada en medio ambiente e ecoloxismo. Trátase dun proxecto pioneiro no país que, a través do soporte sonoro, aborda a cuestión ambiental e cultural desde unha óptica local.
 
Radio CERNA nace no ano 2005 da man de ADEGA (Asociación para a Defensa Ecolóxica de Galiza), financiada pola propia ADEGA xunto coas axudas económicas de varios organismos institucionais relacionados coa promoción cultural ou co eido ambiental de Galiza.