LIFE Tremedal - Actuacións de conservación e restauración en Galicia (2014).
Instalados os paneis informativos do proxecto LIFE TREMEDAL en Galicia
O IBADER continua a desenvolver diferentes actuacións do proxecto
LIFE+ TREMEDAL en Galicia. No mes de maio completáronse os traballos de instalación dos paneis de información do proxecto en todos os enclaves de actuación relativos a Galicia. O deseño dos paneis foi consensuado polos membros do proxecto LIFE Tremedal, mentres que os contidos dos mesmos foron elaborados polo persoal do Grupo de Investigación 1934 - Territorio-Biodiversidade do IBADER, baixo a dirección do profesor Pablo Ramil Rego. Da instalación encargouse o Grupo Tragsa. Os paneis poden observarse nos seguintes humidais da Terra Chá: a Lagoa de Cospeito, os Ollos de Begonte e a Insua de Rábade.