O auditorio Félix  Menéndez da Casa de Cultura de  Vegadeo acolleu a presentación do proxecto  Life Fluvial, cuxo obxectivo é mellorar o estado de conservación dos corredores fluviais da rexión atlántica ibérica da Rede Natura 2.000.
 

 
O proxecto -que se atopa en fase de diagnóstico- desenvolverase nun período de catro anos, ata o 31 de agosto de 2021, e conta cun orzamento de tres millóns de euros, dos cales a Comisión Europea sufraga o 75%.

Oito institucións de Asturias, Galicia e Portugal forman parte deste proxecto impulsado polo Instituto de Biodiversidade Agraria e  Desenvolvimiento Rural (IBADER) da Universidade de Santiago, xunto co Instituto de Recursos Naturais e Ordenación do Territorio (INDUROT) da Universidade de Oviedo, cuxo director, Jorge  Marquínez, dixo que o proxecto «permite ter interconectado os ecosistemas terrestres».
 

 
Este proxecto pretende recuperar tres concas fluviais (a do Eo, a do alto Miño en Galicia e a do río Lima en Portugal), mitigando e corrixindo os efectos causados por especies invasoras que, como o eucalipto ou o chopo, instaláronse en hábitat naturais. Trátase, así, de evitar estas ameazas coa instalación tamén de árbores autóctonas. Actuarase nun total de 51 hectáreas nas marxes dos ríos