Xeodiversidade
A normativa estatal (Lei 42/2007, do 13 de decembro, do Patrimonio Natural e da Biodiversidade) e galega (Lei 5/2019, do 2 de agosto, do Patrimonio Natural e da Biodiversidade de Galicia), definen “Patrimonio Natural” como o "conxunto de bens e recursos da natureza fonte de diversidade biolóxica e xeolóxica, que teñen un valor relevante ambiental, paisaxístico, científico ou cultural". Ambas normas definen á súa vez "Xeodiversidade" ou "Diversidade Xeolóxica" como a “variedade de elementos xeolóxicos, incluídos rocas, minerais, fósiles, solos, formas do relevo, formacións e unidades xeolóxicas e paisaxes que son o produto e rexistro da evolución da Terra”.
A norma estatal (Lei 42/2007) considera ao “Patrimonio Xeolóxico” como o: "conxunto de recursos naturais xeolóxicos de valor científico, cultural e/ou educativo, xa sexan formacións e estruturas xeolóxicas, formas do terreo, minerais, rocas, meteoritos, fósiles, chans e outras manifestacións xeolóxicas que permiten coñecer, estudar e interpretar: a) a orixe e evolución da Terra, b) os procesos que a han modelado, c) os climas e paisaxes do pasado e presente e d) a orixe e evolución da vida".
Pola súa banda a Lei 16/1985, do 25 de xuño, do Patrimonio Histórico Español, no seu artigo 40, integra algúns dos compoñentes máis relevantes da Gea dentro do Patrimonio Histórico Español.
Artigo 40.
Lei 16/1985, do 25 de xuño, do Patrimonio Histórico Español.
1.- Conforme ao disposto no artigo 1.º desta Lei, forman parte do Patrimonio Histórico Español os bens mobles ou inmobles de carácter histórico, susceptibles de ser estudados con metodoloxía arqueolóxica, fosen ou non extraídos e tanto se se atopan na superficie ou no subsolo, no mar territorial ou na plataforma continental. Forman parte, así mesmo, deste Patrimonio os elementos xeolóxicos e paleontolóxicos relacionados coa historia do home e as súas orixes e antecedentes.
2.- Quedan declarados Bens de Interese Cultural por ministerio desta Lei as covas, abrigos e lugares que conteñan manifestacións de arte rupestre.
1.- Unidades xeolóxias máis representantivas da Xeodiversidade do Estado Español
O Anexo VIII da Lei 42/2007 inclúe as unidades xeolóxicas máis representativas da xeodiversidad do territorio español, así como os Contextos xeolóxicos de España de relevancia mundial.
