En grego, o termo Naturezaprovén de phýsis (φ?σις), un derivado do verbo phynai (φ?ναι) e a súa forma phýou (φ?ω), que significa nacer, orixinarse ou xurdir (Frisk, 1970; Baquedano Jer, 2023). Na Antiga Grecia, os pensadores pre-socráticos concibían a natureza como principio constitutivo de cada fenómeno da contorna, equivalendo á esencia en canto principio de movemento ou actividade (Caspers, 2010; Baquedano Jer, 2023). Os pensadores pre-socráticos aventuraron teorías sobre o principio no que consiste a natureza, deixando legados sobre as súas propias concepcións, que logo foron traducidos ao latín. Precisamente, “De nasci”, que alude ao verbo nacer ou orixinarse, o filósofo romano Marco Tulio Cicerón [106, 43 BC] empregou en “De Natura Deorum” o termo “natura” para designar igualmente o nacemento, a produción das cousas ou a simple constitución de algo (Baquedano Jer, 2023). Nestas acepcións básicas enténdese en xeral a natureza como o conxunto de partes que conforman o universo enteiro ou a esencia de algo que, segundo un principio activo, leva a que aquilo se manifeste mediante determinadas calidades características (Baquedano Jer, 2023).
O termo “natureza” (latín natura, nacer), utilízase actualmente no ámbito científico para referirse a todo o universo físico, que se articula a distintas escalas, desde as galaxias ás unidades subatómicas. Integrando en consecuencia a Terra, a Xeosfera e a Biosfera, e en consecuencia os seres vivos sexan silvestres ou domésticos, así como aos humanos. O termo natureza oponse ao concepto de sobre-natural e aos materiais ou substancias xeradas pola acción humana (artificiais).
O botánico Sir Arthur Tansley (1871-1955) acuño en 1935 o termo “Ecosystem” (Ecosistema), para referirse á interacción de plantas e animais cos compoñentes físicos e químicos da súa contorna: “A biological assemblage interacting with its associated physical environment and located in a specific place” (Tansley, 1935).
Eduard Suess [1831,1914], acuñou o termo “Biosfera” na súa obra: Der Entstehung der Alpen, definíndoa como “unha capa interseccional do planeta que contén vida e que impregna a atmosfera, a hidrosfera e a litosfera” (Suess, 1875). O uso do termo Biosfera xeneralizouse no ámbito científico grazas aos traballos de Vladimír I. Vernadsky [1863,1945], e de George Evelyn Hutchinson [1903,1991] quen os empregou para referirse igualmente ao conxunto dos sistemas terrestres (Hutchinson, 1970),
Kenneth Stewart Cole [1900,1984], acuño en 1954 o termo Ecosphere (ecósfera, ecosfera) definíndoa como “a unidade que integran todos os seres vivos e os hábitats do planeta”. Segundo Richard John Huggett [1944,-]: "Todos os seres vivos forman a biosfera. A biosfera interactúa cos elementos inertes da súa contorna (aire, auga, chan e sedimentos) para obter materiais e enerxía. Esta interacción crea a ecosfera, que se define como a vida e os sistemas que a sustentan. Está composta por ecosistemas: individuos, poboacións ou comunidades que interactúan coa súa contorna física. De feito, a ecosfera é o ecosistema global" (Huggett,1998).
A Biosfera ou Ecosfera é a porción do medio terrestre (mariño, continental, subterráneo, aéreo), onde se desenvolve a vida. Designándose como Biodiversidade ou Diversidade Biolóxica ao conxunto de seres vivos, independentemente da súa natureza (silvestre, doméstica), así como aos ecosistemas que conforman. O termo “Biodiversidade” ou “Diversidade Biolóxica” foi acuñado a finais do século XX nos Estados Unidos, sendo difundido de maneira global no ano 1992 cando quedou aberto á firma o Convenio de Nacións Unidas sobre a Diversidade Biolóxicas (UN Convention on Biological Diversity, CBD).
Natureza & Biodiversidade
