Príorizanse áreas de alta densidade e vulnerabilidade socioambiental, introducindo a natureza na trama urbana e promovendo as SbN. As actuacións enmárcanse nunha Estratexia de infraestrutura verde e adaptación ao cambio climático para consolidar unha infraestrutura verde multifuncional, accesible e inclusiva, que reforce a conectividade cos ENIL Torre de Hércules e Illas de San Pedro.
Como resultado do proxecto, espérase renaturalizar unha superficie de 445.301 m².
Accións:
As actuacións inclúen:
1) Mellora da biodiversidade do Parque Carlos Casares e da súa conectividade ecolóxica co ENIL Torre de Hércules, propoñendo a creación de pasos de fauna, a substitución do asfalto por pavimento drenante, o incremento da vexetación, a creación de biótopos para seren colonizados por insectos, réptiles ou pequenos mamíferos, a ampliación de hortos urbanos e o control de especies invasoras;
2) Creación dun corredor verde urbano que vincule o ENIL Torre de Hércules co interior da cidade;
3) Restauración da lagoa do parque de Eirís;
4) Recualificación do Parque de Oza, con actuacións de mellora da biodiversidade, restauración do estanque e creación dun humidal funcional;
5) Mellora ambiental do Parque de Vioño a través do reforzo da funcionalidade ecolóxica e da creación dunha área de biorretención;
6) Establecemento dun corredor verde no barrio da Sagrada Familia;
7) Realización dun proxecto piloto de codeseño social para a implantación de microespazos verdes no barrio do Agra do Orzán; e
8) Mellora da biodiversidade local mediante a creación de hábitats para o refuxio, a cría e a alimentación da fauna nos espazos verdes urbanos da Coruña.
